په ګردېز ښار کې په يوه جومات کې دننه ځانمرګي بريدونه شوي
د پکتيا د امنيه قومندانۍ وياند سرداولي تبسم کليد ته وويل چې د پکتيا ولايت په مرکز ګردېز کې په يوه جومات کې د لمانځه پر مهال دوه ځانمرګي بريدونه شوي.
نوموړي زياته کړه، ځانمرګي بريد کوونکي له چادرۍ په استفادې مسجد ته دننه شوي او ځانونو ته يې چاودنې ورکړې دي.
د نوموړي په خبره، په دې بريدونو کې شاوخوا ۲۰ تنو لمونځ کوونکو ته مرګ ژوبله اوښتې.
تر دې مهاله د دغه بريدونو مسووليت کومې وسله والې ډلې پر غاړه نه دی اخيستی.
په دې تړاو نور جزيات وروسته خپرېږي.
کلید ګروپ په ټویټر او فیسبوک کې وګورئ
