د روسيې د بهرنيو چارو وزير له خپل امريكايي سيال سره د خبرو په مهال د ماريا بوتينا د ژر خوشې كولو غوښتنه كړې ده.
دغه روسۍ ښځه په متحدو ايالتونو كې د جاسوسۍ په تور نيول شوې ده.
سرګي لاوروف له مايك پمپيو سره د ټيليفوني خبرو په ترڅ كې پر مېرمن بوتينا لګول شوى تور جعلي او د نه منلو وړ بللى دى.
نوموړې ۲۹ كلنه روسۍ ښځه د خپل هېواد لپاره په پټ ماموريت او د امريكا په ضد په توطيې تورنه شوې ده.
كه په محكمه كې پرې لګول شوي تورونه ثابت شي، نو ښايي مېرمن بوتينا په لس كلن بند محكومه شي.
کلید ګروپ په ټویټر او فیسبوک کې وګورئ
