د ټاکنو خپلواک کمسيون ولسي جرګې ته د ۷ ولايتونو د نوماندانو لومړنی لېست خپور کړ.
د دغه کمسيون چارواکي وايي، د نورو ولايتونو د نوماندانو لېست به هم د نن ورځې تر پايه اعلان شي.
نيمروز، ارزګان، نورستان، کنړ، خوست، باميان او کابل هغه ولايتونه دي چې د ولسي جرګې لپاره يې د نوماندانو لومړنی لېست اعلان شوی دی.
له بل لوري د ټاکنو خپلواک کمېسيون وايي، چې د ولسواليو شوراګانو ته د نوماندانو لومړنی لېست هم اعلانېږي خو تر دې مهاله يې دقيق وخت څرګند نه دی.
کلید ګروپ په ټویټر او فیسبوک کې وګورئ
