د کندهار په ژېړۍ ولسوالۍ کې د يوې نښتې پر مهال لس وسله وال وژل شوي دي.
د کندهار د پوليسو وياند ضيا درانی وايي، وسله والو تېره شپه دوې بجې د ژېړۍ ولسوالۍ د “قاري سليم کاريز” په سيمه کې د ملي پوليسو پر پوسته بريد وکړ چې د سهار تر پنځو بجو پورې يې دوام درلود.
دراني وويل د وسله والو په وړاندې د امنيتي ځواکونو په دفاعي غبرګون کې لس وسله وال وژل شوي دي.
نوموړی وايي، د وسله والو په بريد کې امنيتي ځواکونو ته زيان نه دی اوښتي، خو د هغوی يو ښخ کړي ماين د پوليسو پر رنجر چاودنه کړې چې له امله يو پوليس وژل شوی او دوه نور ژوبل شوي دي.
د دولت وسله والو مخالفينو تر اوسه په دې تړاو څه دي ويلي.
کلید ګروپ په ټویټر او فیسبوک کې وګورئ
