د پاکستان د پوځ عمومي مشر جنرال قمر جاوېد باجوه نن د امنيتي پلاوي په مشرۍ کابل ته راځي.
پاکستانيو رسنيو ويلي چې د دغه هېواد د پوځ مشر به له افغان چارواکو سره د سولې او ټيکاو او له طالبانو سره د خبرو په اړه بحث او د نظر تبادله وکړي.
د جنرال باجوه په مشرۍ د پاکستان امنيتي پلاوی په داسې حال کې کابل ته سفر کوي چې څو ورځې وړاندې د افغانستان د ملي امنيت شورا د سلاکار محمد حنيف اتمر په مشرۍ يو پلاوی پاکستان ته تللی و او د دغه هېواد د پوځ مشر ته يې د افغان جمهور رييس محمد اشرف غني له خوا کابل ته د سفر کولو بلنه وړاندې کړې وه.
کلید ګروپ په ټویټر او فیسبوک کې وګورئ
