د ننګرهار په چپرهار ولسوالۍ کې چاودنې ۱۲ ولسي وګړي ټپيان كړل.
د دغه ولايت د والي وياند عطاء الله خوږياڼي کليد ته وويل، دا چاودنه نن سهار شاوخوا نهه بجې د چپرهار ولسوالۍ د ميرزادين کلي په يوه مېله ځاى کې د ځاى پرځاى شوو چاودېدونکو توکو له كبله شوې ده.
خوږياڼي زياته كړه، د پېښې نهه ټپيان د ولسوالۍ په روغتون کې له لومړنۍ درملنې وروسته رخصت شوي او درې نور يې د جلال اباد ښار حوزوي روغتون ته د درملنې په هدف لېږدول شوي دي.
د چاودنې مسووليت تراوسه چا نه دى منلى.
