په اسلام اباد كې د افغانستان سفير عمر زاخېلوال وايي، د پاکستان د لوى درستيز جنرال قمر جاوېد باجوه په مشرۍ د دغه هېوا يو لوړ رتبه پلاوى د راتلونکې سې شنبې په ورځ كابل ته ځي.
د نوموړي په وينا، د دغه پلاوي په ترکيب کې د پاکستان د استخباراتي ادارې مشر جنرال نويد مختار هم شامل دى.
زاخېلوال زياتوي، پاكستانى پلاوى به له افغان مشرانو سره د سولې په ګډون پر مهمو مسايلو خبرې وکړي.
بايد وويل شي، چې تر دې وړاندې هم بېلابېلو پاكستاني چارواكو كابل ته سفرونه كړي، خو كومه مثبته پايله يې نه ده لرلې.
کلید ګروپ په ټویټر او فیسبوک کې وګورئ
