په اروزګان کې د بهرنيو ځواکونو د هوايي بريد په ترڅ كې پنځه وسله وال وژل شوي دي.
په کندهار کې د ملي اردو د ۲۰۵ اتل قول اردو له قوماندانۍ څخه په خپره شوې خبرپاڼه کې راغلي، دغه هوايي بريد تېره شپه د غوڅ ملاتړ ماموريت ځواکونو د اروزګان د مرکز اړوند په شاه منصور سيمه کې د وسله والو پر يوه مرکز ترسره کړى، چې په پايله کې يې پنځه وسله وال وژل شوي او وسلې له يې هم له منځه تللې دي.
سرچينه وايي، بهرنيو ځواکونو بريد د ملي اردو له ځواکونو سره په همغږۍ کړى دى.
د دولت وسله والو مخالفينو تر دې دمه په دې تړاو څه نه دي ويلي.
