slideshow

416
۹ غویی ۱۳۹۷
لیکونکی: محمد شفیق هېوادپال

د ننګرهار لوبغاړو د توحيدالله مړوند هرکلی وکړ


د تکواندو ملي لوبډلې لوبغاړی توحيدالله مړوند د تکواندو په اسيايي سياليو کې د برونزو مډال تر ګټلو وروسته ننګرهار ته په رسېدو د دې ولايت د ورزشکارانو او د ورزش مينه والو له لوري وستايل شو.

د ننګرهار ولايت د رسنيو له دفتره خپره شوې خبرپاڼه كې د دغه ولايت د تکواندو فدراسيون د مسوول خالد اکبري له قوله راغلي، توحيدالله مړوند وتوانېده، چې د ايران په کوربه توب د فجر جام په نوم د تکواندو په اسيايي سياليو کې د پرلپسې درېيو لوبو په ګټلو د خپل هېواد په ګټه د برونزو مډال ترلاسه کړي.

اکبري زياته کړه، ياد افغان لوبغاړي اووه کاله وړاندې تکواندو لوبې ته مخه کړه، چې په ګڼ شمېر ولايتي سياليو کې يې د مډالونو له ګټلو وروسته د ملي لوبډلې غړيتوب ترلاسه کړ.

 

شریکول
ایمیل *
نوم *
ستاسو څرګندونې *