د افغانستان د کرکټ ملي لوبډله نن له غرمې وروسته د ۲۰۱۹ كال نړيوال جام د غوراوي سياليو د اتلولۍ له جام سره د حامد كرزي نړيوال هوايي ډګر ته راورسېده.
په هوايي ډګر كې د ملي شورا يو شمېر غړو، د كركټ بورډ چارواكو او د دغې لوبې مينه د ملي لوبډلې تود هركلى وكړ.
د نړيوال جام په غوراوي پړاو کې لسو لوبډلو لوبې وکړې، چې يوازې دوو هېوادونو افغانستان او وېسټ انډيز ترې نړيوال جام ته لاره ومونده.
افغانستان دغه راز د دغو لوبو اتلولي هم وګټله.
کلید ګروپ په ټویټر او فیسبوک کې وګورئ
