د مالديو جمهور رييس په دغه هېواد کې پنځلس ورځنی بېړنی حالت اعلان کړ او له دې سره په يو وخت د امنيتي ځواکونو له لوري د سترې محکمې دوه قاضيان او د اپوزېسيون يو مشر هم نيول شوی دی.
پوليسو وويل، د سترې محکمې رييس عبدالله سعيد او قاضي علي حميد د سه شنبې په ورځې په لومړيو ساعتونو کې نيول شوي دي، خو پوليسو پر دوی دواړو د تورونو په تړاو څه نه دي ويلي.
دغه نيونې داسې مهال رامنځته کېږي چې د حکومت او سترې محکمې تر منځ له زندانه د سياسي اپوزېسيون د يو شمېر غړو د خوشي کولو پر سر جنجال رامنځته شو.
کلید ګروپ په ټویټر او فیسبوک کې وګورئ
