په ننګرهار کې د لومړي ځل لپار د فري فايټ يا ازادې مبارزې سيالۍ د قفس دننه ترسره شوې.
د ننګرهار ولايت د رسنيو دفتر وايي، په يادو سياليو کې ۳۰ تنو غوره لوبغاړو ګډون کړى و، چې هدف يې د دې لوبې پرمختګ لپاره د لوبغاړو انتخاب ښودل شوى دى.
د فري فايټ فدراسيون مسوول قيس مجاهد ويلي، له شته ستونزو سره – سره په دې وتوانېدل، چې په ننګرهار کې د فري فايټ يا ازادې مبارزې سيالۍ ترسره کړي.
د يادونې وړ ده، چې دا سيالۍ په ننګرهار کې نوې او د لومړي ځل لپاره ترسره شوې، چې د مينه والو په وينا يې، که چېرته پاملرنه ورته زياته شي، نو وړ لوبغاړي به يې ګډونوال شي.
کلید ګروپ په ټویټر او فیسبوک کې وګورئ