د ننګرهار په خوږياڼو ولسوالۍ کې د روانو سېلاب څلور، نهم نمبر عملياتو په ترڅ کې د تېرو ۲۴ ساعتونو په مهال د داعش ډلې د يو قاضي بصير، چې په شرافت مشهور و، په ګډون پنځه داعشيان وژل شوي او اووه تنه نور ټپيان دي.
د ننګرهار ولايت د رسنيو دفتر نن ويلي، په دغو عملياتو كې عمر کلى، معلم خېل، سپين راغه او مشرانو غونډۍ سيمې د داعش وسله والو له شتونه پاکې شوي او همداراز د هيرويينو دوه فابريکې تخريب شوې دي.
داعش ډلې تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
