په غور ولايت کې يوه ماشومه ناوې د کورني تاوتريخوالي له کبله شكنجه او روغتون ته انتقال شوې ده.
د غور د امنيه قوماندانۍ وياند اقبال نظامي کليد ته وويل، دغه ۱۲ کلنه ناوې، چې درې کاله وړاندې په نکاح شوې، له بېلابېل ډوله ځورونې سره مخ شوې ده.
د نوموړي په وينا، دا پېښه په دولينه ولسوالۍ کې رامنځته شوې او د يادې ناوې روغتيايي حالات نازک ښودل شوی دى.
نظامي زياته كړه، د دې مېرمنې خاوند ۱۳ کلن دی او د كورنۍ له درېيو غړو سره يو ځای نىول شوی دی.
د روغتون ډاکټران وايي، چې ياده مېرمن په لرګيو سخته وهل شوې ده.
دا نجلۍ ګل هزار نومېږي او په خبره يې خسر به يې دې ته کله کله د سپي د ډوډۍ پاتې شونې ورکوله.
کلید ګروپ په ټویټر او فیسبوک کې وګورئ
