د ننګرهار چارواکي وایي، وسله والو روداتو ولسوالۍ کې د قرانکریم یو حافظ لومړی تښتولی او وروسته یې وژلی دی.
د والي ګلاب منګل ویاند عطاالله خوږیاڼي کليد وویل، چې تېر ماښام ناوخته دوو موټر سایکل سپرو وسله والو د روداتو ولسوالۍ د شېخ احمد د کلي ملا امام قاري هجرت الله د ماښام له لمانځه وروسته لومړی تښتولی او وروسته یې په ډزو سره وژلی دی.
نوموړی وایي، یاد کس په سیمه کې په یوه دیني مدرسه کې درس هم ورکاوه.
د يادې وژنې په تړاو تر اوسه څوک نه دي نيول شوي.
کلید ګروپ په ټویټر او فیسبوک کې وګورئ
