د ننګرهار سرخرود ولسوالۍ کې د سرحدي پوليسو پر رېنجر موټر د ماين چاودنه کې يو پوليس ټپي شوى دى.
د والي وياند عطاء الله خوګياڼي كليد ته وويل، چې نن له غرمې مخکې يوولس نيمې بجې د سرخرود ولسوالۍ اړوند نغرک سيمه کې د سرحدي ځواکونو پر رېنجر موټر د چسپکي ماين چاودنه شوې ده.
د هغه په وينا، د چاودنې له کبله يو پوليس برسېرن ټپي شوى او نور چا ته زيان نه دى اوښتى.
تراوسه د دغې پېښې په اړه د حکومت کومې مخالفې وسله والې ډلې رسنيو ته څه نه دي ويلي.
کلید ګروپ په ټویټر او فیسبوک کې وګورئ
