په هلمند کې د افغان او بهرنيو ځواکونو په هوايي بريدونو کې ۲۴وسله وال وژل شوي دي.
د هلمند له ۲۱۵ميوند قول اردو څخه کليد ته په رالېږل شوې خبرپاڼه کې راغلي، چې ياد عمليات په تېرو ۲۴ساعتونو کې د نادعلي، ګرشک او سنګين ولسواليو کې د افغان او بهرنيو ځانګړو ځواکونو لخوا ترسره شوي دي.
سرچينه زياتوي، په يادو وژل شويو وسله والو ۴ قومندانانو هم شامل دي، چې ترڅنګ يې يو شمېر پوځي تجهزات هم له منځه وړل شوي دي.
وسله والو طالبانو تر اوسه په دې اړه رسنيو ته څه نه دي ويلي.
