په ننګرهار كې بې پيلوټه الوتكې ۱۲ داعش وسله والو ته مرګ ژوبله اړولې ده.
د ننګرهار ولايت د رسنيو دفتر وايي، د بهرنيو ځواكونو بې پيلوټه الوتكې د خوږياڼو ولسوالۍ وزيرو تنګي سيمه کې د داعش ډلې يو مركز په نښه كړى دى.
سرچينه زياتوي، په دې هوايي بريد كې څلور داعشيان وژل شوي او اته تنه نور ټپيان دي.
د سرچينې په خبره، د بريد په ترڅ كې د داعشيانو وسلې او مهمات هم تخريب شوي دي.
داعش ډلې تراوسه په دې اړه رسنيو ته څه نه دي ويلي.
