727
۲۸ لړم ۱۳۹۶
لیکونکی: حبيب الله خيبر

افغان دولت له نړيوالې ټولنې پر کونړ د پاکستاني ځواکونو د بريدونو د مخنيوي غوښتنه کړې


د ملي دفاع وزارت وايي، پر کونړ د پاکستاني ځواکونو د مرميو توغولو موضوع يې له نړيوالې ټولنې سره شريکه کړې ده.
د دې وزارت وياند جنرال دولت وزيري پرون په يوه خبري ناسته کې وويل، له نړيوالې ټولنې او پاکستان سره يې پر کونړ د پاکستاني ځواکونو د مرميو توغولو په باب د افغان دولت اندېښنه شريکه کړې، خو پاکستان چې په دې ورستيو کې د نړيوالې ټولنې تر جدي ګواښونو لاندې دى، د ټولو اصولو خلاف ياد بريدونه ردوي او انکار کوي.
د نوموړي په وينا، دوى د هېواد حالاتو ته په کتو هڅه کوي دا موضوع د خبرو له لارې حل کړي.
دا په داسې حال کې ده، چې پاکستان کلونه کېږي پر کونړ پر بېلابېلو سيمو توغندي توغوي، چې په دې وروستيو کې يې يو ځل بيا زور اخيستى دى.

 

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *