امنيتي ځواكونو د هرات ولايت په شينډنډ ولسوالۍ كې د عملياتو په مهال وسله والو طالبانو ته درنه مرګ ژوبله اړولې ده.
د هرات د والي وياند جيلاني فرهاد كليد ته وويل، چې په دغو عملياتو كې د پنځو قوماندانانو په ګډون له ۳۰ زيات طالبان وژل شوي او شاوخوا ۲۰ تنه نور ټپيان دي.
د امنيتي ځواكونو عمليات له تېرو دوو ورځو راهيسې د طالبانو له شتونه د شينډنډ ولسوالۍ د پاكولو په هدف پيل شوي دي.
ځايي چارواكي وايي، چې د عملياتو په ترڅ كې تراوسه د يادې ولسوالۍ ګڼې سيمې د طالبانو له شتونه پاكې شوې دي.
وسله والو طالبانو تراوسه په دې اړه غبرګون نه دى ښودلى.
کلید ګروپ په ټویټر او فیسبوک کې وګورئ
