د افغانستان پخواني جمهور رئيس حامد کرزي په کابل کې د روسيې له سفير سره د پارلماني ټاکنو او عنعنوي لويې جرګې په اړه بحث او خبرې کړې دي.
د حامد کرزي له دفتره په خپره شوې خبرپاڼه کې راغلي، چې دا ليدنه له الکساندر منتيتيسکي سره تېره ورځ د ده په کاري دفتر کې شوې ده.
دا چې د پارلماني ټاکنو او عنعنوي لويې جرګې په اړه د دوی خبرې څه ډول وې جزيات نه دي خپاره شوي.
حامد کرزی په داسې حال کې له روسيې سره خپله اړيکه ښه ساتلې ده، چې له امريکا سره يې اړيکې تر بل هر وخته لږې ترينګلې شوې دي او حتی په افغانستان کې يې د امريکايي پوځيانو له شتون سره مخالفت څرګند کړی دی.
دا په داسې حال کې ده، چې حامد کرزي په ځلونو د روسيې له سفير سره ليدنې کړې دي او څو ځله يې مسکو ته هم سفرونه کړي دي.
