د ننګرهار ولايتي چارواکي وايي، اچين ولسوالۍ کې د بې پيلوټه الوتکې د بريدونو له کبله ۱۵ داعش وسله وال وژل شوي دي.
د ننګرهار د والي وياند عطاء الله خوګياڼي کليد ته وويل، چې تېره ورځ ناوخته د اچين ولسوالۍ پر مامند، څپرې، چنارو، نرګوسه او يو شمېر نورو سيمو د بهرنيو ځواکونو د بې پيلوټه الوتکې بريدونو ۱۵ داعش وسله وال وژلي دي.
نوموړي زياته کړه، په دغو بريدونو کې يو ملکي وګړی هم وژل شوی دی.
داعش وسله والو تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
