د اروزګان امنيتي چارواکي وايي، چې د دې ولايت په چنارتو ولسوالۍ کې يې د عملياتو په مهال ۱۳ وسله والو طالبانو ته مرګ ژوبله اړولې ده.
د اروزګان د امنيه قوماندانۍ د امنيت امر عبدالقوي عمري په وينا، طالبانو د دې ولسوالۍ د سقوط پلان درلود، خو امنيتي ځواکونو يې پلان شنډ کړ.
دی زياتوي، چې تېره شپه په جګړه کې يو شمېر سيمې له وسله والو طالبانو پاکې شوې، اته طالبان وژل شوي او پنځه نور ټپيان دي.
وسله والو طالبانو تراوسه په دې اړه څه نه دي ويلي.
