د بنګله دېش د کرکټ د غوره ليګ يا BPL سيالۍ نن د افغانستان په وخت د غرمې په دولس نيمو بجو پيلېږي.
په دې سياليو کې پنځه افغان لوبغاړي راشد خان، محمد نبي، سميع الله شينواری، نجيب الله ځدراڼ او ظاهر خان هم برخه لري.
د نن ورځې په دويمه لوبه کې د دوو افغان لوبغاړو سميع الله شينواري او ظاهر خان د لوبېدو ډېر چانس شته.
ظاهر خان، چې سږ کال د افغانستان په شپږيزه سياليو کې ښه وځلېد، په چپ لاس ورو توپ اچوي او په توپ اچونه کې يې د خپل ځانګړي انداز له کبله د نړيوالو پام ځان ته اړولی دی.
دا لومړی ځل دی، چې نوموړی په بهرني نړيوال ليګ کې د لوبېدو چانس ترلاسه کوي.
کلید ګروپ په ټویټر او فیسبوک کې وګورئ
