امنيتي چارواکي وايي، د هلمند ګرمسېر ولسوالۍ کې وسله والو طالبانو يو ۸۵ کلنه ښځه او يو ۱۷ کلن ځوان وژلي دي.
د هلمند د والي وياند عمر ځواک کليد ته وويل، چې څو شپې وړاندې وسله والو طالبانو ګرمسېر ولسوالۍ کې يوه ۸۵ کلنه ښځه له ځانه سره بيولې ده او د پنجشنبې په شپه يې بيا په ډېرې رحمۍ سره وژلې ده.
ځواک دغه راز زياته کړه، چې تېره اونۍ يو ۱۷ کلن ځوان هم د وسله والو لخوا دولت سره د جاسوسۍ په تور اول نيول شوی او بيا يې تېره ورځ د يادې ولسوالۍ په خارکو سيمه کې جسد اچولی دی.
ديادو دواړو وژنو په اړه لا تر اوسه وسله والو طالبانو رسنيو ته څه نه دي ويلي.
کلید ګروپ په ټویټر او فیسبوک کې وګورئ
