هلمند ولايت کې ټرافيکې پېښې ۸ تنو ته مرګ ژوبله اړولې ده.
د هلمند د والي ویاند عمر ځواک کلید ته وویل، نن شاوخوا لس نیمې بجې د دې ولایت د موسی کلا او ګرشک ولسواليو ترمنځ دوه موټرو سره ټګر کړی دی، چې په ترڅ کې يې يوه مېرمن وژل شوې او ۷ تنه نور ټپیان شوي دي.
نوموړی زياتوي، یاد ټپیان د هلمند مرکز لښکرګاه مرکزي روغتون او د ګرشک ولسوالۍ روغتون ته لېږدول شوي دي.
د ځواک په وينا، ټپيان تر درملنې لاندې دي او روغتيايي حالت يې د اندېښنې وړ نه دی.
کلید ګروپ په ټویټر او فیسبوک کې وګورئ
