د ملګرو ملتونو امنيت شورا وايي، افغانستان کې وروستي بريدونه د غندلو دي او له ترهګرۍ سره په مبارزه کې افغانانو سره اوږه په اوږه ولاړ دي.
له ياد سازمانه په خپره شوې خبرپاڼه کې راغلي، چې څو ولايتونو کې د وسله والو طالبانو لخوا تر سره شوي بريدونه ستر بشري جنايتونه دي.
د ملګرو ملتونو امنيت شورا زياته کړې، چې د پکتيا د وروستۍ پېښې جوړوونکي، تمويل کوونکي او ملاتړ کوونکي، مجرمين دي او د دوی د محاکمې غوښتنه يې کړې ده.
