وسله والو طالبانو د هرات ولايت پښتون زرغون ولسوالۍ کې د امنيتي ځواکونو پر پوستو بريد کړی او د جګړې په ترڅ کې پنځو طالبانو ته مرګ ژوبله اوښتې ده.
د هرات د امنيه قوماندانۍ وياند عبدالاحد وليزاده کليد ته وويل، چې دغه پېښه تېره شپه رامنځته شوې ده.
د هغه په وينا، د امنيتي ځواکونو له لوري دوه وسله وال طالبان وژل شوي او درې تنه نور ټپيان شوي دي.
وليزاده وايي، په دغه بريد کې امنيتي ځواکونو او ملکي وګړو ته مرګ ژوبله نه ده اوښتې.
وسله والو طالبانو تراوسه په دې اړه څه نه دي ويلي.
