په سعودي عربستان کې په لومړي ځل يوه ښځه د يوې لوړپوړې حکومتي چوکۍ لپاره ټاکل شوې ده.
د سعودي عربستان پاچا سلمان بن عبدالعزيز، چې کله ښځو ته د موټر چلولو اجازه ورکړه ، له هغې نه ۲۴ ساعته وروسته حکومت اعلان وکړ، چې يوه ښځه يې د الخبار د والي د مرستيالې په توگه وټاکله.
د دغه هېواد د اطلاعاتو او کلتور وزارت په يوې اعلاميې کې د خپلې پرېکړې په اړه ليکلي، يادې ښځې ته يې، چې ايمان الغاميدي نومېږي، دا دنده ځکه سپارلې، چې غواړي ښځو ته هم په مشرتابه کې برخه ورکړي.
په سعودي عربستان کې ښځو د موټر چلولو د اجازې پرېکړه ونمانځله او گڼ شمېر ښځو پر سړکونو موټرواني وکړه.
تراوسه پورې حکومت لا ښځو ته د موټروانۍ لايسنسونه نه دي ورکړي او وايي، چې د نهو مياشتو په مودې کې به ورکړل شي.
