د ملي اردو چارواکي وایي، اچین ولسوالۍ کې د هوایي برید له کبله ۱۳ داعش وسله وال وژل شوي دي.
په ختیځ کې د ملي اردو د ۲۰۱ سېلاب قول اردو څخه کلید ته په را استول شوې خبرپاڼه کې ویل شوي، چې تېره شپه د اچین ولسوالۍ په مامندره کې افغان ځواکونو هوایي برید کړی، چې پرمهال یې ۱۳ داعشيان وژل شوي دي.
سرچینه وایي، په وژل شویو کې د داعش ډلې یو مشهور قومندان سیف الله هم شامل دی.
داعش وسله والو تر اوسه په دې اړه رسنیو ته څه نه دي ویلي.
