د هرات امنيتي چارواکي وايي، په دې ولايت کې يې څلور تنه د نشه يي توکو د پلور په تور نيولي دي.
د هرات د امنيې قومندانۍ وياند عبدالاحد وليزاده کليد ته وويل، دغه نيول شوي کسان د ښار د ۱۲مې او ۱۴مې ناحيې اوسېدونکي دي، چې د ياد ولايت د امنيې قوماندانۍ له نشه يي توكو سره د مبارزې مديريت د کارکونکو له لوري ونيول شول.
د سر چينې په وينا، نيول شوي کسانو څخه څېړنې پيل شوې دي او ډېر ژر به عدلي او قضايي ارګانونو ته معرفي شي.
