د ننګرهار په هسکې مېنې ولسوالۍ کې بې پيلوټه الوتكې پنځه داعش وسله وال وژلي دي.
د ننګرهار د امنيه قوماندانۍ مطبوعاتي مسوول حضرت حسين مشرقيوال کليد ته وويل، چې تېره شپه ناوخته د هسکې مېنې ولسوالۍ د نرۍ اوبو په سيمه کې د بهرنيو ځواکونو د بې پيلوټه الوتکې د بريد په ترڅ کې پنځه داعش وسله وال وژل شوي او د هغوى وسلې، مهمات او موټر له منځه وړل شوي دي.
د نوموړي په خبره، په دغه هوايي بريد کې د سيمې خلکو ته هېڅ زيان نه دى اوښتى.
داعش وسله والو تراوسه په دې اړه رسنيو ته څه نه دي ويلي.
