په هرات ولايت كې نن د پوليو يا ګوزڼ ضد واكسين درې ورځنى كمپاين پيل شو.
د هرات د والي وياند جيلاني فرهاد کليد ته وويل، چې په دغه كمپاين كې به له پنځو كلونو كم عمره څه باندې ۶۰۰ زره ماشومان واكسين شي.
د هغه په وينا، دا كمپاين د هرات ولايت په ۱۵ ولسواليو کې پلى كېږي.
د هرات والي محمد اصف رحيمي له ولسونو غوښتنه كړې، چې د پوليو يا ګوزڼ ضد واكسين د كمپاين رضاکارانو سره مرسته وکړي، ترڅو هېڅ ماشوم له دغه واکسين څخه بې برخې پاتې نه شي.
په روان کال کې دا درېيم ځل دى، چې په هرات كې د پوليو ضد واکسين کمپاين ترسره کېږي.
کلید ګروپ په ټویټر او فیسبوک کې وګورئ
