د ننګرهار د برېښنا رئيس امېد صباح وايي، د دې ولايت د کانال رياست د زيتونو توليدي فابريکې ستونزه به په اساسي ډول حل کړي.
نوموړي د زيتونو توليدي فابريکې او اړوند برېښنا برج څخه د ليدنې په مهال وويل، د صنعت د پياوړتيا په هدف به د ننګرهار د کانال ادارې د زيتونو توليدي فابريکې د برېښنا ستونزه په اساسي توګه حل شي.
د ننګرهار ولايت د رسنيو دفتر څخه خپره شوې خبرپاڼه كې د زيتونو فابريکې د مسوولينو له قوله راغلي، که برېښنا ورته ۲۴ ساعته شي، نو د يادې فابريکې چارې به ګړندۍ او د توليد کچه به يې تر پخوا لوړه شي.
کلید ګروپ په ټویټر او فیسبوک کې وګورئ
