د ننګرهار ولايتي چارواکي وايي، په بټي کوټ ولسوالۍ کې تېره شپه افغان ځانګړو ځواکونو عمليات کړي، چې په ترڅ کې يې د يو سرګروپ په ګډون درې وسله وال طالبان وژل شوي دي.
د والي وياند عطاء الله خوږياڼي کليد ته وويل، چې دغه عمليات د بټي کوټ ولسوالۍ په انبارخانې سيمه کې ترسره شوي دي.
نوموړي زياته كړه، چې عمليات کوونکو ځواکونو دغه راز نهه تنه مشکوک کسان نيولي دي.
د سرچينې د معلوماتو له مخې، د عملياتو په مهال افغان ځانګړو ځواکونو او ملکي وګړو ته کوم زيان نه دى اوښتى.
وسله والو طالبانو تراوسه په دې اړه رسنيو ته څه نه دي ويلي.
کلید ګروپ په ټویټر او فیسبوک کې وګورئ
