د حزب اسلامي ګونډ مشر گلبدين حکمتيار نن سهار هرات ولایت ته ورسېد.
د دې ګونډ یو شمېر غړي وایي، چې د هرات ولایت سیمه ییز چارواکي او د بېلابېلو ولسوالیو سلګونه اوسېدونکي د ګلبدین حکمتیار هرکلي ته هوايي ډګر ته ورغلي وو.
تمه ده، چې د یاد ګونډ مشر خپلو پلویانو د هرات ولایت په جامع جومات کې وينا وکړي.
د یادونې ده، چې کابل ته د ګلبدین حکمتیار تر راتلو وروسته دا لومړی ولایتي سفر دی، چې له هرات ولایته يې پیل کړ.
