د هرات امنيتي چارواکي وايي، چې د دې ولايت په غوريان ولسوالۍ کې يوه غير مسوول وسله وال کس پنځه تنه د ټوپک په ډزو ټپيان کړي دي.
د هرات د امنيه قوماندانۍ وياند عبدالاحد وليزاده کليد ته وويل، چې دا پېښه تېر ماښام د يادې ولسوالۍ بازار ته نږدې رامنځته شوې ده.
د هغه په وينا، دغه وسله وال کس ناصر نومېږي، له سيمې تښتېدلى او پوليس هڅه کوي، چې ويې نيسي او د قانون منګولو ته يې وسپاري.
وليزاده د پېښې علت شخصي او کورنۍ شخړې بولي.
د هرات د پوليسو وياند وايي، چې د دوو ټپيانو روغتيايي حالت د اندېښنې وړ دى.
کلید ګروپ په ټویټر او فیسبوک کې وګورئ