په ايران کې يو امريکايي وګړي ته د جاسوسۍ په جرم د لسو کلونو بند سزا واورول شوه.
د ايران د سترې محکمې وياند غلام حسين محسني وويل، چې ياد امريکايي جاسوس د استخباراتي ادارې لخوا نيول شوى و.
سترې محکمې ويلي، چې هغه د ايران په کورنيو چارو کې مداخلې کولې او خلک يې د دولت په ضد پارول.
د ايراني رسنيو د راپور له مخې، ياد امريکايي وګړى دوه ګونى تابعيت لري.
امريکايي چارواکو تراوسه د خپل يو تبعه د نيول کېدو او په بند محکومېدو په اړه څه نه دي ويلي.
