افغان حكومت وايي، په امنيتي او نورو برخو كې يې پراخ اصلاحات رامنځته كړي، چې ملګري ملتونه يې ستاينه كوي.
په كابل كې نن د افغان حكومت او نړيوالو مرسته كوونكو هېوادونو د استازو ترمنځ د څارنې او انسجام د كمېټې غونډه جوړه شوه.
ياده غونډه په بروكسل كې د افغان حكومت د ژمنو د ارزولو لپاره جوړه شوې وه.
په دغه غونډه كې جمهور رئيس محمد اشرف غني وويل، د ملي يووالي حكومت په پوځي، عدلي او قضايي او قراردادونو برخو كې پراخ اصلاحات رامنځته كړي او په وينا يې، د دې ترڅنګ يې د سولې ټينګښت، كاري زمينو رامنځته كولو، عدالت پلي كولو، فساد سره مبارزې، د قانون حاكميت او داسې نورو برخو كې هم د پام وړ پرمختګونه كړي دي.
نړيوالو د تېر ۲۰۱۶ م كال په اكټوبر مياشت كې د بروكسل په غونډه كې له افغان حكومت سره په بېلابېلو برخو كې د اصلاحاتو راوستو په شرط د مرستو ژمنه وكړه.
کلید ګروپ په ټویټر او فیسبوک کې وګورئ
