د ننګرهار امنيتي چارواکي وايي، په هسکې مېنې او غني خېلو ولسواليو کې د هوايي بريدونو له كبله ۲۸ داعش او طالب وسله والو ته مرګ ژوبله اوښتې ده.
د ننګرهار د امنيه قوماندانۍ مطبوعاتي مسوول حضرت حسين مشرقيوال کليد ته وويل، چې تېره شپه د هسکې مېنې ولسوالۍ په اوغز سيمه کې د بهرنيو ځواکونو په هوايي بريد کې ۱۴ داعش وسله وال وژل شوي او ۱۱ نور ټپيان دي.
د هغه په وينا، د غني خېلو ولسوالۍ په ګولايي سيمه کې نن سهار وختي د يوه هوايي بريد له كبله د هجرت الله افريدي د ډلې درې طالب وسله وال وژل شوي دي.
داعش او طالب وسله والو تراوسه په دې اړه رسنيو ته څه نه دي ويلي.
