د پکتیا د مرکز ګردېز ښار اوسېدونکي وايي، په کافي ډول ورته برېښنا نه رسېږي او له سختو ستونزو سره لاس او ګرېوان دي. دوی وایي له دې وړاندې دوی په ورځ کې تر اتلس ساعتونو پورې برېښنا درلوده، خو اوس دغه کچه ان لسو ساعتونو ته راکمه شوې ده. د ګردېز ښار اوسېدونکي ایوب جان په دې اړه کلید ته وویل: ((موږ ته په ګردېز ښار کې د اړتیا وړ برېښنا نه رسېږي، نه پوهېږم څنګه دومره کمه برېښنا هم تر موږ نه رارسېږي.))