373
۸ چنګاښ ۱۳۹۶
لیکونکی: ميوند ساپى

کاپيسا كې د زندانيانو د وضعيت د څارنې په هدف ځانګړې کمېټه جوړه شوې


د کاپيسا امنيتي چارواکي وايي، د زندانيانو د وضعيت د څارنې په هدف يې يوه ځانګړې کمېټه جوړه کړې، چې په اونۍ کې درې ځلې د زندانيانو د وضعيت ارزونه کوي.
د کاپيسا د امنيه قوماندانۍ وياند محمد ايوب يوسفزي كليد ته وويل، په تېرو کلونو کې ګڼ شمېر زندانيانو د زندان د اوسېدو د خونو، د بېلابېلو ناروغيو او د خوراکي توکو په اړه شکايتونه درلول او د دوى کورنيو هم له يو شمېر پوليسو څخه سر ټکوه، چې نه شي کولاى په سم ډول له خپلو زنداني غړو سره وګوري.
يوسفزي زياته كړه، د ځانګړې کمېټې په جوړېدو سره اوسمهال يادې ټولې ستونزې حل شوې دي.
د يادونې وړ ده، چې په تېرو کلونو کې د کاپيسا زندان په يوه کرايه خونه کې و، چې د ګرمۍاو يخنۍ په مهال زندانيان له ګڼ شمېر ستونزو سره مخ وو، خو اوسمهال د دوى لپاره نوې ودانۍ هم جوړه شوې ده.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *