311
۷ چنګاښ ۱۳۹۶
لیکونکی:

اروزګان کې ناوړو دودونو ګڼ شمېر ځوانان له هېواده وتو ته اړ كړي


د اروزګان د اطلاعاتو او فرهنګ رئيس نور محمد ابدالي وايي، ناوړو دودونو د دې ولايت ګڼ شمېر ځوانان اړ کړي، چې له هېواده ووځي.
نوموړي کليد ته وويل، ډېر داسې ناوړه دودونه شته، چې د ځوانانو له وسې پورته دي او هغوى اړ کېږي، چې هېواد پرېږدي او په مزدورۍ پسې بهر ته لاړ شي.
ابدالي هغه کسان له اسلام څخه ناخبره وبلل، چې په ټولنه کې يې ناوړو دودونو ته لار هواره کړې ده.
هغه د ناوړو دودونو د زياتوالي علت د تعليم او عامه پوهاوي نشتوالى يادوي او وايي، که مخه يې ونه نيول شي، په هېواد کې به اخلاقي فساد زيات شي.
دى له ديني عالمانو او قومي مخورو څخه په دې برخه کې د اقدام غوښتنه کوي.
د اروزګان د اطلاعاتو او فرهنګ رياست وايي، په راتلونکي کې پلان لري، چې د ناوړو دودونو په وړاندې مبارزه پيل او خلكو ته د سيمينارونو او عامه زده کړو په مټ د هغو زيانونه بيان کړي.

شريکولShare on FacebookShare on Google+Tweet about this on TwitterShare on LinkedIn
ایمیل *
نوم *
ستاسو څرګندونې *