د عامې روغتيا وزارت وايي، چې په تېر ۱۳۹۵ لمريز كال كې د ځانمرګو بريدونو په پرتله د ټرافيكي پېښو مرګ ژوبله زياته وه.
د دې وزارت مرستيال فدا محمد پيكان نن په كابل كې يوې خبري غونډې ته وويل، چې د تېر لمريز كال ټرافيكي پېښو ۱۰۸۲ تنه وژلي او شاوخوا ۵۵ زره تنه يې ټپيان كړي دي.
نوموړي زياته كړه، چې په ۱۳۹۵ كال كې د ځانمرګو بريدونو له كبله شاوخوا ۱۷۰۰ تنه وژل شوي او شاوخوا ۱۷ زره نور ټپيان شوي دي.
بې احتياطي، د ټرافيكي اصولو نه مراعاتول، د سړكونو خرابوالى او ډېر سرعت په هېواد كې د ټرافيكي پېښو اصلي علتونه دي.
