امريکايي پوځي چارواکو ويلي، چې د جاپان په اوبو کې يې يوې جنګي بېړۍ د فليپين بار وړونکې بېړۍ سره ټکر کړى دى.
په سيمه کې د امريکا پوځي چارواکو نه دي ويلي، چې د ټکر علت څه دى، خو د ټکر له كبله دواړو بېړيو ته زيان اوښتى دى.
په دې اړه امريکايي چارواکو نور جزيات نه دي ورکړي.
امريکا د جاپان په اوبو کې سمندري ځواکونه ځاى پر ځاى كړي، چې د سيمې د امنيت په هدف کله ناکله ګزمې کوي.
دا په داسې حال کې ده، چې دوه ورځې وړاندې د فارس خليج هورموز تنګي کې بيا د امريکا او ايران جنګي بېړۍ سره مخامخ شوې وې.
