ايران يو ځل بيا پر سعودي عربستان تور پورې کړ، چې په دغه هېواد کې ترهګريز بريدونه تنظيموي.
د ايران د بهرنيو چارو وزير محمد جواد ظريف په اوسلو کې يوې غونډې ته وويل، چې په سيستان او بلوچستان ايالت کې ترهګرو سره د مرستې په اړه دوى شواهد هم لري.
دا په داسې حال کې ده، چې تېره اونۍ د ايران پر پارلمان او د خميني پر مقبرې بريدونو کې هم سعودي عربستان په لاس لرلو تورن شو.
په منځني ختيځ کې ايران او سعودي عربستان هغه هېوادونه بلل کېږي، چې دا مهال په خليجي هېوادونو کې د يو بل په وړاندې نيابتي جګړه پر مخ وړي.
