هندي حکومت د ميلياردونو ډالرو په ارزښت د سمندري اوبتلونو د جوړولو چارې پيل کړې دي.
پاکستاني رسنيو د هندي چارواکو له قوله ويلي، چې هند غواړي شپږ نورې پرمختللې اوبتلې د خپل سمندري ځواک په اډانه کې ور زياتې کړي.
هندي ورځپاڼو د چارواکو له قوله په ورکړل شويو راپورونو کې ويلي، چې دا پرېکړه د حکومت په يوه مهمه غونډه كې شوې ده.
هند او پاکستان دوه رقيب اټوم لرونکي هېوادونه دي، چې د کشمير پر سر يې درې ځلې سترې جګړې هم کړي او په دې وروستيو کې يې يو ځل بيا ترمنځ اړيکې ترينګلې شوې دي.
کلید ګروپ په ټویټر او فیسبوک کې وګورئ
