د كورنيو چارو وزارت وايي، د وسله والو طالبانو يو مهم غړى يې، چې د کابل په ترهګريزو بريدونو کې په لاس لرلو هم تورن دى، تېره ورځ نيولى دى.
دې وزارت په خپره کړې خبرپاڼه کې د نيول شوي طالب قوماندان نوم قاري محمدالله ياد کړى، چې د ميدان وردګ ولايت په دره مارشال سيمه کې نيول شوى دى.
خبرپاڼه زياتوي، چې له نوموړي سره يوه اندازه درنې او سپکې وسلې هم نيول شوې دي.
پوليسو ويلي، نيول شوي طالب قوماندان هوډ درلود، چې د کابل په ارغندي څلور لارې کې ترهګريز بريد ترسره کړي.
وسله والو طالبانو تراوسه په دې اړه څه نه دي ويلي.
