نامعلومو وسله والو د سعودي عربستان د امنيتي ځواکونو پر ګزمې بريد کړى، چې په پايله کې يې يو سرتېرى وژل شوى او دوه نور ټپيان دي.
د العربيه ټلويزيوني شبکې د راپور له مخې، ياده پېښه پرون د سعودي عربستان په القطيف ولايت کې رامنځته شوې ده.
د دغه هېواد د کورنيو چارو وزارت هم د امنيتي ځواکونو پر ګزمې بريد تاييد کړى، خو په اړه يې نور جزيات نه دي ورکړي.
دا په داسې حال کې ده، چې تر دې وړاندې هم په ياد ولايت کې څو ځلې پر امنيتي ځواکونو مرګوني بريدونه شوي، چې تر ډېره يې پړه د يمن پر حوثي وسله والو اچول کېږي.
