د روژې مبارکې میاشتې په پنځمه په کابل کې د يوه موټربم بريد له کبله شاوخوا ۸۰ تنه شهيدان شول او ۳۵۰ نور ټپیان شول. دغه بريد د کابل ښار په زړه کې زنبق څلور لارې ته څېرمه د جرمني سفارت مخې ته داسې مهال ترسره شو چې د کابل ښار د اوسېدونکو روژه په خوله وه او د خدای (ج) په عبادت بوخت وو. په دې بريد سره د حکومت وسله والو مخالفينو څرګنده کړه چې دوی حتا د روژې په مبارکه مياشت کې هم هېڅ ډول اوربند او سولې ته چمتو نه دي او خپلو دغه ډول بريدونو ته دوام ورکوي.